CIDEGA | Instituto de Investigación en Ciencias do Deporte
O Instituto de Investigación en Ciencias do Deporte (CIDEGA) nace co propósito de contribuír de xeito multidimensional, aos retos da práctica de actividades físico-deportivas na sociedade actual. Do mesmo xeito, busca fortalecer, converxer e vertebrar a dimensión investigadora no eido das Ciencias do Deporte e da Actividade Física na Universidade de Vigo.
Ao ser concibido o CIDEGA como un instituto universitario de investigación, desenvolve liñas de I+D+i e de transferencia de coñecemento á sociedade cun enfoque multi e interdisciplinar, directamente relacionados cos seguintes 7 ámbitos competenciais:
AC1. Intervención educativa.
AC2. Prevención, adaptación e mellora do rendemento físico-deportivo e da saúde mediante a aptitude física e o exercicio físico.
AC3. Fomento de hábitos saudables e independentes mediante a actividade física e o deporte.
AC4. Intervención mediante manifestacións do movemento humano.
AC5. Planificación, avaliación e xestión-organización dos recursos e da actividade física e deportiva.
AC6. Método e evidencia científica na práctica.
AC7. Desempeño, ética e práctica profesional no contexto das intervencións.
